O Martes 24 de Novembro de 10h a 12h e o Xoves 26 de Novevembro de 12h a 14h podremos escoitar o concerto que nos ofrece Paco Nogueiras.
Para poder velo tedes que entrar en www.kalandraka.tv e buscar o enlace ao concerto de Paco Nogueiras.
https://drive.google.com/file/d/1fSyLpyx6KBQv5w-pnZc4xlSGTKmB1S_7/view?usp=sharing
O 25 de Novembro conmemórase o Día Internacional contra a Violencia de Xénero.
Dende a escola debemos seguir traballando pola sensibilización /educación dos nosos/as alumnos/as para poñerlle freo entre todos/as a este grave problema da nosa sociedade.
A Biblioteca pon a vosa disposición os libros que estan no corredor para traballar este tema nas aulas e ao mesmo tempo deixamosvos aquí os videos con algúns dos contos que temos na biblioteca.
Cada 20 de Novembro celébrase o Día Universal dos Dereitos do Neno.
En 1959 a ONU aprobou a Decalaración dos Dereitos da Infancia.
O obxectivo deste día e recordarlle a cidadania, que os nenos/as seguen a ser o colectivo mais vulnerable, o que mais sufre coas crises e os problemas do mundo.
É un día de celebración por os avances conseguidos, pero tamén para chamar a atención dos nenos/as mais desfavorecidos, dar a coñecer os dereitos da infancia, e concenciar as persoas sobre a necesidade de traballar polo seu benestar e desenvolvemento.
Neste día queremos recordar que os nenos/as sexa cal sexa o seu orixe ou condición social teñen dereito a educación, a saude, a protección...
Dende a Biblioteca queremos propoñervos unhas lecturas axeitadas ( que exporemos no corredor anexo a biblioteca) para os nosos/as alumnos/as, que podedes aproveitar para traballar con elas nas aulas.
Tamén deixamosvos aquí unha serie de recursos para aprender xogando os Dereitos dos Nenos.
O 13 de novembro celébrase, desde
o ano 2011, o Día das Librarías promovido por CEGAL e a Dirección Xeral do
Libro e Fomento da Lectura do Ministerio de Cultura e Deporte. En Galicia está
incluÍda no Calendario do Libro e a Lectura e conta co apoio da Federación de
Librarías de Galicia. Desde CEGAL sinalan que “… queremos mostrar que somos
espazos próximos, modernos e en continua evolución para xerar cultura, e crear
comunidades en torno ao libro e a lectura”
Pensamos, que este é un bo ano
para reivindicar, unha vez máis, as librarías de proximidade, espazos que van
máis alá da venda de libros, transformándose en motores culturais da
comunidade. Librarías con profesionais que entenden a literatura como algo non
supeditado ás modas. Libreiros e libreiras que consiguen o imposible, que nos
axudan a conformar unha colección rigorosa nas nosas bibliotecas. Librarías que
son espazos de acubillo para alumnado e
familias, con múltiples actividades compartidas.
“...chámase ciencia e é unha das ferramentas
máis poderosas que desenvolvemos os seres humanos para tratar de comprender
como está organizado e como funciona o mundo”. Xurxo Mariño Alfonso
Desde a
Consellería de Cultura, Educación e Universidade, en colaboración coa
Secretaría Xeral de Política Lingüística, vense impulsando a celebración anual
do mes de novembro como o MES DA CIENCIA EN GALEGO NAS BIBLIOTECAS. Iníciase
esta actuación coa elección dunha imaxe e a difusión dun texto, a modo de
MANIFESTO, de Xurxo Mariño Alfonso, profesor, investigador e divulgador
científico. O autor salienta que este mes "... é unha oportunidade
estupenda para deixarse enfeitizar pola maxia dos libros e do coñecemento que
atesouran."
Desde a
Asesoría de bibliotecas escolares realizouse unha recompilación de recursos dixitais, relacionados coa ciencia, en
galego, que se pon a disposición de todas as bibliotecas: libros e unidades
didácticas descargables en formato pdf, páxinas web de institucións, museos e
asociacións de profesores e divulgadores científicos, convocatorias e
propostas, blogs de ciencia dos centros educativos, experiencias de bibliotecas
escolares, etc.
A
continuación deixámosvos os seguintes enlaces:
FOLLETO INFORMATIVO: MES DA CIENCIA NAS BIBLIOTECAS
MATERIAIS: MES DA CIENCIA EN GALEGO NAS BIBLIOTECAS:
Na entrada da biblioteca, tedes expostas algunhas das obras que seleccionamos, para que coñecerades. Atoparedes libros de diferentes tipos relacionados coa física, a astronomía, as máquinas, a química....
GOZADE E APRENDEDE COA CIENCIA
