jueves, 21 de enero de 2021

DÍA DA PAZ

 Como cada 30 de Xaneiro queremos recordarlle a toda a nosa comunidade educativa a importancia de vivir nun mundo de PAZ,pois consideramos que é un dereito da infancia e toda a humanidade.

O equipo da Biblioteca súmase o lema do noso centro, proposto polo equipo de convivencia: "A vacina do bo trato".  A violencia, como os virus, só produce víctimas; todos saímos perdendo cando estallan. Ademais, igual que pasa coas pandemias, é mellor previr que curar. Proponsenos que elaboremos entre todos  unha vacina de Paz e Bo Trato que nos protexa contra: a ira, a violencia, o abuso, a falta de respeto...

E como cada ano animamosvos a que pasedes polo corredor anexo a Biblioteca e revisedes os libros que vos propoñemos, en relación o Día da Paz, para que os subades as aulas e os traballedes  estes días cos nen@s.

Tamén vos deixamos a continuación un genially no que recollimos recursos que consideramos interesantes para traballar nesta data ou noutro momento do curso, pois a Paz é necesario traballala cada día para que sexa unha realidade.

Entre os cortos que incluímos está o de Sadako y las 1000 grullas de papel, por eso vos propoñemos como manualidade que fagamos grullas de papel nas que escribamos os nosos desexos.