DÍA DA ILUSTRACIÓN 2020

O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. O protagonista deste ano é Cándido Fernández Mazas.

Xulia Pisón. Ilustradora do cartel. (A Coruña, 1985)

Ilustradora e debuxante de banda deseñada, cursou estudos de Ilustración na EASD Pablo Picasso. Recibiu o 1.º premio do Certame Xuventude Crea de BD de 2015. Despois de editar varios cómics en formato fanzine, como McCactus, e de colaborar en diversas publicacións colectivas como Altar Mutante ou a antoloxía Licor café, en 2019 creou para a Universidade da Coruña o cómic de divulgación científica Microalgas – El mundo oculto. Como ilustradora ten realizado carteis para diversos eventos, como as Festas de María Pita da Coruña en 2017.

- ACTIVIDADES DÍA DE LA ILUSTRACIÓN 2020 EN OURENSE

Biblioteca pública de Ourense

Obradoiro de ilustración: Expresa tu mundo imaginario

Con Fatiropina

De 6 a 12 años
30 de enero a las 18:00
Inscripciones en el teléfono 988 788 386

Muestra: Los grandes ilustradores

Del 8 a 31 de enero 

ANÍMATE!!!

CALENDARIO DO LIBRO E DA LECTURA 2020

Presentámosvos o novo calendario 2020 coas datas máis salientables arredor do libro e a lectura.

A gañadora do Premio Castelao de Banda Deseñada BEA LEMA asina a ilustración deste ano, que homenaxea, segundo a autora "a habilidade humana de levar cousas na cabeza".

Para alén das datas máis habituais, como o Día das Letras Galegas o 17 de maio, o de Rosalía o 24 de febreiro ou o Día da Poesía, o 23 de marzo, o calendario recolle celebracións específicas de 2020, como son os centenarios de Isaac Díaz Pardo (22 de agosto) e da revista Nós (30 de outubro).

NADAL 2019. ILUMINA O TEU NADAL CUN LIBRO

Esta é a nosa selección de libros recomendados desde a biblioteca do colexio. Xa sabedes que poñemos moito mimo e esmero nesta selección. Se cadra apetécevos achegarvos a eles á hora de elixir un agasallo para estas datas e tamén que algún vos guste especialmente e poidades compartilo en familia.

- RECOMENDACIÓNS "ILUMINA O TEU NADAL CUN LIBRO"  PICA  AQUI

EXPOSICIÓN LIBROS NADAL NA BIBLIO

FELICES FESTAS!!! 

E UN ESTUPENDO ANO NOVO CARGADO DE BOAS LECTURAS!!!

25 DE NOVEMBRO, COEDUCACIÓN AO PODER!!!

Este luns 25 conmemórase o Día Internacional da Eliminación da Violencia contra as Mulleres para denunciar a violencia que se exerce sobre a muller en todo o mundo e reclamar políticas en todos os países para a súa erradicación.

Como todos os anos organizamos unhas actividades para sensibilizar ao noso alumnado sobre a igualdade, o respecto aos demais e a non violencia.

- Este ano traballaremos o conto de Daniela Pirata, onde a protagonista demostra como non é a identidade sexual o que define a súa vida, senón súas capacidades e a súa actitude.

- O alumnado máis creativo traballará  nun mural sobre este tema.

- Animámosvos a escoller algún dos libros que levan uns días expostos no corredor á beira da biblio, son moi interesantes!!!

- Un conto claro e sinxelo para os máis pequenos  

  

- Conto sobre o dereito de cada neno e nena nos seus gustos e identidades. Esta é unha historia inspirada en feitos reais.



- A nosa entrada dos anos 2018 e 2017 PICA

Aprendamos xunt@s a vivir na igualdade das persoas.

Non debemos esquecer que coeducar é responsabilidade de tod@s e en todo momento.
  

DÍA INTERNACIONAL DOS DEREITOS DA INFANCIA

Todos os 20 de novembro celebramos o Día Internacional dos Dereitos da  Infancia, porque un 20 de novembro, pero de 1959, foi cando Nacións Unidas aprobou a Declaración dos Dereitos da Infancia e en 1989 asinouse a Convención sobre os Dereitos da Infancia .
Os Dereitos da infancia son os dez principios que aprobaron as Nacións Unidas para que formasen parte das leis de todos os países e case todos os aceptamos como una lei.
En situacións difíciles ou de conflito, os nenos e as nenas son as persoas máis vulnerables. Por iso estes dereitos protexer aos máis pequenos, estes, non pode protexerse a se mesmo e somos os maiores os que debemos coidalos e acompañalos no seu crecemento.
 

Se picas nestas ligazóns  podreis xogar e á vez repasar os dereitos da infancia.
-  5 actividades para celebrar o Día Universal do Neno.

- ¿Sabías que? Todas las niñas y niños del mundo tienen derechos. RAYUELA