viernes, 17 de marzo de 2017

DÍA DA POESÍA, 21 DE MARZO

Tendo en conta que o 21 de marzo comeza  a primavera nos países do hemisferio norte, elixiuse este día tan representativo, para que se celebrase a nivel mundial o Día da primavera.

O mesmo día, no ano 1974,  a Organización de Nacións Unidas, celebrou por primeira vez O Día forestal mundial para ter un día no que concienciar á xente para que podamos apreciar máis as zonas FORESTAIS das que dispoñemos.


En 1993, a Asemblea Xeral das Nacións Unidas  designou , o día seguinte, 22 de marzo como Día Mundial da Auga , pasaron 24 anos e séguese celebrando en todo o mundo. é un día para destacar a función esencial da auga e propiciar melloras para a poboación mundial que sofre de problemas relacionados coa auga. É un día para reflexionar como debemos utilizar mellor a auga no futuro.


Desde a UNESCO tamén sinalan o 21 de marzo como Día da Poesía para rindir homenaxe a quen mantén viva a poesía como unha das expresións máis elevadas da lingua e a cultura. A poesía é un canto de liberdade, é tamén o canto dos nosos sentimentos máis profundos. Coas súas palabras e o seu ritmo, a poesía dá forma aos nosos soños de paz e xustiza, e dános a forza  de mobilizarnos por eles.
Por iso, durante esta semana  cos nenos e nenas de do cole, traballaremos con Gloria Fuertes.
 

Gloria Fuertes naceu en Madrid  en 1917. Este ano (no mes de xullo) cumpriría 100 anos e, desde aquí , desde a nosa biblio dedicámoslle a nosa pequena homenaxe, porque Gloria meréceo.
Muller, xovial, ocurrente, cálida, pacifista, comprometida, autora de teatro, contos e poesía... , cando a lemos, o seu ritmo, o seu musicalidad e sinxeleza fai que gocemos da súa obra desde os máis pequenos aos maiores, moitos dos seus poemas lévannos a cancións e xogos infantís, outras veces fannos sonreir  e a todos fainos reflexionar sobre as inxustizas do mundo.

No hay comentarios:

Publicar un comentario