LETRAS GALEGAS 2021: XELA ARIAS

No ano 2021 a autora homenaxeada no Día das Letras Galegas é Xela Arias Castaño ( Sarria 1962- Vigo 2003).

    Xela Arias foi unha escritora, editora, tradutora e profesora de Literatura. Comezou a traballar moi nova en Edicións Xerais, compaxinado este traballo con diversas colaboracións en publicacións como La Voz de Galicia, A nosa Terra ou o Faro de Vigo. Foi unha muller do seu tempo, comprometida co movemento feminista, co ecoloxismo e co pacifismo, que participou en diversos movementos culturais como a Festa da Palabra Silenciada ou Burla Negra. Entre as súas obras destacamos: "Darío a Diario", "Tigres coma Cabalos", "Intempérome", "Denuncia do Equilibrio" e "Non te amola".  (Coleccion Mulleres Galegas: Liberdade, solidariedade e amor pola lingua. Pequena biografía de Xela Arias. Lela edicións).

 

"O idioma é o principal signo dunha cultura. (...) Unha lingua ha medrar como a hedra, dándolle o sol e mailo aire"  Xela Arias, "Paixon de militancia e escuros desertores". Revista de Filología Románica de la Universidade Complutense de Madrid nº6, 1989.

Xela Arias en Pictogramas Audioconto feito polo alumnado de Primaria do CEIP Juan Fernadez Latorre (A Coruña) sobre o libro "NON TE AMOLA" de Xela Arias, publicado pola editorial Galaxia e ilustrado por Luz Beloso.

PONTIÑA QUERE SABER