Os libros son un bo instrumento para compartir coa familia, que nos axuda a ampliar o vocabulario e a nosa linguaxe e permítenos pasar un bo intre e entretennos. Ademais, estimula a nosa imaxinación, permítenos achegarnos a outras culturas, permite que nos identifiquemos con outras persoas e permítenos coñecer máis sobre a nosa historia.
- Sabiades por que se celebra o Día Internacional do Libro o 23 de Abril?
- Sabiades que a idea de celebrar o 23 de abril como Día do Libro é unha idea española? PICA
Coma en anos anteriores, a Consellería de Cultura, Educación e Ordenación Universitaria edita, co gallo do Día Mundial do Libro, un pequeno marcapáxinas cun texto orixinal. Nesta ocasión é Rosalía Fernández Rial a poeta que agasalla co seu texto sobre o libro e a lectura ás Bibliotecas Escolares de Galicia.
O libro... o mundo da palabra, da música, da maxia, do imprescindible aire para respirar.
Ano tras ano tentamos programar ao redor do día do libro múltiples actividades para gozar deste mundo. Queremos que sexan actividades, intimamente relacionadas co libro e a lectura pero sobre todo entretidas e divertidas .
Esta entrada é un avance, a modo de resumo das próximas actividades previstas que desenvolveremos en breve co xa tradicional programa.
- Como todos os anos os padriños e madriñas recollerán aos seus afillados e afilladas para buscar un recunchiño e lerlles vos libros elixidos con tanto esmero e coidado.
- Visitarannos, Maria Menéndez Ponche, escritora coruñesa da que podemos seguir a súa traxectoria literaria desde os máis pequenos ata os maiores. O compostelán Héctor Cajaraville, xornalista e corrector de orixinais no mundo editorial, e gañador en 2015 delPremio Xerais de Novela.
- A nosa estupenda Feira de novedades.
- Os top 10 do Meiga.
ENCOMEZAMOS A FESTA DOS LIBROS!!!
- Nosa, moi visitada, FEIRA DO LIBRO.
- Encontro con...
A novelista María Menéndez Ponche, coñecida autora de numerosas obras literarias e creadora de Pupi, o extraterrestre azul que convive cos nenos e nenas de primeiro ciclo de Educación Primaria veu a visitar o noso centro. Que ilusión e que gran honra poder saudar a unha das autoras dos nosos libros favoritos! estivo no Colexio, facendo partícipe do seu amor pola literatura a todos os que estivemos con ela.
Sabedes que na nosa biblio "Pontiña" ten moitas obras de María esperandoos, temos a sorte de que escribe para todas as idades!
Moitas grazas Maria pola túa visita pasámolo xenial!!!
- Por fin chegou un dos nosos momentos preferidos...!!! ler e que nos lean...
Os mozos e mozas de 6º, léronlles aos de 3 anos
os nenos e nenas de 3º léronlles ao de 1º
