LETRAS GALEGAS 2017

O Plenario da Real Academia Galega, reunido este sábado en sesión ordinaria, acordou dedicar o Día das Letras Galegas de 2017 ao ourensán Carlos Casares Mouriño.
Carlos Casares Mouriño (Ourense, 1941-Vigo, 2002) Narrador, ensaísta, articulista de prensa, editor e dinamizador cultural, é unha das figuras máis senlleiras e renovadoras da literatura galega das últimas décadas do século XX.
A RAG acentúa de Casares «a calidade, a vocación abertamente comunicativa e o carácter variado da súa obra», que incluíu a literatura infantil, o xornalismo e o ensaio, converténdose en «un escritor especialmente idóneo» para protagonizar a celebración de 2017.
Unha decisión que a Xunta aplaude ao definir a Casares como «unha das personalidades máis importantes da cultura galega» do últimas catro décadas. Dirixiu a editorial Galaxia e revístaa Graal e foi presidente do Consello da Cultura Galega entre 1996 e 2002. En 1978 ingresa na RAG como o membro de número máis novo.